БЖБ ТЖБ және қорытынды аттестаттау. Оқушылар карантин кезінде емтиханды қалай тапсырады

Қорытынды аттестаттау-бұл бітіруші сынып оқушылары тапсыратын емтихандар. Аттестаттау бағасын ескере отырып, жылдық баға қойылады. Бірақ биылғы жылы төтенше жағдай режиміне байланысты Қазақстанның барлық мектептерінде 9-11 сыныптарда қорытынды аттестаттау тоқтатылды. "Біз 9-11 сыныптарды қорытынды аттестаттау жылдық бағалар негізінде өткізіледі деп шешім қабылдадық. Емтихандардың өзі болмайды. Ағымдағы бағалар негізінде біз жылдық баға қоямыз,жылдық негізде аттестатқа баға қойылады. Қорытынды аттестацияны өткізбей, яғни 11-сынып оқушылары бітіру емтихандарынсыз аттестат алады. Себебі қазір жағдай бұған мүмкіндік бермейді", – деді онлайн конференцияда Білім және ғылым министрі Асхат Аймағамбетов.